မြန်မာအမျိုးသားဒီမိုကရက်တစ်မဟာမိတ်တပ်မတော်ကိုးကန့်(MNDAA)မှ ကိုးကန့်စစ်မြေပြင်တွင် အာဏာသိမ်းစစ်ကောင်စီအယောက်(၂၀)ကျော်ဒဏ်ရာရကျဆုံးနိုင်ခံပြီး လက်နက်ပစ္စည်းများ သိမ်းဆည်းရ
ဇွန်လ ၅ရက်နေ့ ကိုးကန့်(MNDAA)မှ စစ်မြေပြင်တွင်သိမ်းဆည်းရရှိသောလက်နက်ခဲယမ်း
ဇွန်လ ၁ ရက်နေ့တွင် ကိုးကန့်လောက်ကိုင်ဒေသနေထိုင်သော အာဏာသိမ်းစစ်ကောင်စီတပ်ဖွဲ့နှင့် ပတ်ဇော်ချိန်အဖွဲ့တို့သည် လူအင်အား(၇၀)ကျော်ဖြင့် ရှိရှမ်းဒေသ ကြာကျည်ရှူကျေးရွာအုပ်စုသို့ ကား(၆)စီးဖြင့် အင်အားတိုးချဲ့ရန်ချီတက်လာခဲ့သည်။ ကြာကျည်ရှူရွာရှိ အာဏာသိမ်းစစ်ကောင်စီ တပ်ဖွဲ့နှင့်ပူးပေါင်းတွေ့စုံပြီး မြန်မာအမျိုးသားဒီမိုကရက်တစ်မဟာမိတ်တပ်မတော်ကိုးကန့်(MNDAA) ၏ ၎င်းနေရာလှုပ်ရှားဧရိယာကိုပိုမိုသေးငယ်ရန်နှင့် ဖျက်ဆီးရန်ကြံရွယ်ခဲ့ပါသည်။
ဇွန်လ ၄-၅ရက်နေ့တွင် အာဏာသိမ်းစစ်ကောင်စီတပ်ဖွဲ့နှင့် ပတ်ဇော်ချိန်အဖွဲ့တို့၏ ထိုးစစ်ဆင် တိုက်ခိုက်လာသောကြောင့် ကိုးကန့်(MNDAA)ဘက်မှ မဖြင့်မနေ ခုခံကာကွယ်ရန်အတွက် တိုက်ပွဲ ဖြစ်ပွားခဲ့ပါသည်။
ဇွန်လ ၆ ရက်နေ့တွင် ကိုးကန့်(MNDAA)နှင့် အာဏာသိမ်းစစ်ကောင်စီတပ်ဖွဲ့သည် ကြာကျည်ရှူ ကျေးရွာအုပ်စု ကျန်တစ်ရှမ်နေရာတွင်တိုက်ပွဲဖြစ်ပွားခဲ့ပြီး စစ်ကောင်စီဘက်မှ စစ်ကားတစ်စီး ပျက်စီး ပြီး ဒဏ်ရာရသေဆုံးသူ(၄)ယောက်ရှိခဲ့ပါသည်။ နံနက် ၁၀ နာရီ၂၀ မိနစ်ခန့် အာဏာသိမ်းအဖွဲ့ နှင့် ပတ်ဇော်ချိန်အဖွဲ့တို့သည် လူအင်အား(၁၂၀)ကျော်ဖြင့် တာမင်ရှိနေရာသို့ချီတက်လာချိန်တွင် ကိုးကန့် (MNDAA)ဘက်မှ ရှေ့ပြေးတပ်ဖွဲ့ဖြင့် ၎င်းတို့လာမည့်လမ်းတွင် သွားရောက် တားမြစ်တိုက်ခိုက်ခဲ့ ပါသည်။ အာဏာသိမ်းတပ်ဖွဲ့မှ စစ်ကားတစ်စီးပစ်ခတ်ခံရပြီး တာရွှေထန်နေရာဘက်သို့ ထွက်ပြေးခဲ့ ပါသည်။ တိုက်ပွဲသည် ၁၀ နာရီ ၅၀ မိနစ်မှ ရပ်တန့်ပြီးဆုံးသွားသည်။
ယနေ့ နေ့လည် ၁၂ နာရီ ၂၂ မိနစ်ခန့် နှစ်ဦးနှစ်ဘက်မှ ချာဟော်မှ ကြာကျည်ရှူလမ်းကြားတွင် တိုက်ပွဲ ဖြစ်ပွားခဲ့သည်။ စစ်ကောင်စီဘက်မှ လက်နက်ကြီးမျိုးစုံဖြင့် ကျည်(၃၀)လုံးပစ်ခတ်ခဲ့သည်။ ၁၃ နာရီခန့် တွင် စစ်ကောင်စီဘက်မှ (၈)ဦးဒဏ်ရာရသေဆုံးခဲ့ပြီး ကိုးကန့်(MNDAA)ဘက်မှ ဦးစွာ တိုက်ပွဲနေရာမှ ထွက်ခွာခဲ့သည်။
ဇွန်လ ၅ ရက်နေ့တစ်နေ့လုံးတွင် အာဏာသိမ်းစစ်ကောင်စီတပ်ဖွဲ့နှင့် ကိုးကန့်(MNDAA)သည် ကြာကျည်ရှူကျေးရွာအုပ်စု တာခုတ်ကျည် ၊ ပတ်ရှာကုတ် နှင့် ကျုပ်ထုတ်ရှမ်း နေရာသုံးနေရာတွင် တိုက်ပွဲဖြစ်ပွားခဲ့သည်။ တာခုတ်ကျည်နေရာတွင် စစ်ကောင်စီတပ်ဖွဲ့မှ စစ်ကားတစ်စီးပျက်စီးခဲ့သည်။ ပတ်ရှာကုတ်နေရာတွင် စစ်ကောင်စီတပ်ဖွဲ့မှ (၆)ယောက်ဒဏ်ရာရရှိခဲ့ပါသည်။ ကျုပ်ထုတ်ရှမ်း နေရာ တွင် စစ်ကောင်စီတပ်ဖွဲ့မှ (၁၀)ဦး ဒဏ်ရာရသေဆုံးခဲ့ပါသည်။
评论
发表评论